رنګین غوندے لمسون کړی شفق بیزے سترګے ستا
موجب می دشبګیر شوی سحر خیزے سترګے ستا
دا څنګه بے وفا شوے پښتنے پس له وعدے
پیغور هم ټیټے نکړلے انګریزے سترګے ستا
سرور اوکفیت می ستا له قهره شی سوا
مستی د میو راکندی خونریزے سترګے ستا
احباب می رنګ ته ګوری سپین اوسور او زیړ او تور
دا چارے تل په ماکوی رنګیزے سترګے ستا
حیران یم د کمتری دی د باز که د شاهین
زړګے په یو نظر سره وړی تیزے سترګے ستا
ملکونه ﺉ د زړونو کړه تالا په هر طرف
کاته څنګه معصوم کوی چنګیزے سترګے ستا
حمزه! بے نوایی کښے څومره خوږ دے کیفیت
وس نه اوړی یو طرف هم غم انګیزے سترګے ستا۔
غزل: دا حمزه خان شنواری
No comments:
Post a Comment